Corona virus i merr jetën një tjetër të riu në kryeqytet. Koronavirusi nuk po kursen as moshat e reja dhe ky fakt është thënë me shqetësim prej disa javësh edhe nga mjekët dhe ekspertët e komitetit teknik.
Së fundmi, një djalë i ri nga Elbasani ka humbur jetën në spitalin “Shefqet Ndroqi” në Tiranë. 31 vjeçari kishte disa ditë që ishte shtruar në spitalin Covid 2.
Gjendja e tij ishte rënduar pas infektimit me koronavirus, por nuk vuante nga asnjë sëmundje tjetër bashkëshoqëruese.
Kujtojmë se pak ditë më parë u shënua dhe viktima me moshën më të re në Shqipëri, Alvini vetëm 9 vjeç.
Themeluesi i Fundjavës Ndryshe, Arbër Hajdari, i cili dha dhe lajmin, shkruan se Alvini, 9 vjeç, arriti ti mbijetonte kancerit por jo virusit.
9-vjeçari u dërgua në Zvicër, ku të voglit i dhanë veç një muaj jetë dhe pas një ndërhyrjeje në Stamboll ku u njoftua se doli me sukses, krejt papritur, Alvini ka ndërruar jetë nga koronavirusi, me gjithë përpjekjen për ta shpëtuar.
Ndërkohë që në vend janë ashpërusuar masat anticovid, ende nuk ka rënie të të infektuarve. Shifrat vijojnë të mbeten mbi 1000 të prekur përditë, dhe me disa dhjetra qyetarë që humbin jetën.
Kujtojëm se fasha orare është zvogëluar dhe mbajtja e maskës është ende e deytrueshme. Madje nga efektivët e policisë janë shtuar kontrollet dhe gjobat.
