Policia e Tiranës ka arrestuar 3 persona për vepra të ndryshme penale dhe ka proceduar në gjendje të lirë 3 të mitur. Një 28-vjeçar ka rënë në pranga pasi është kapur në flagrancë duke shitur lëndë narkotike. Në pranga kanë rënë edhe ky shtetas të tjerë, 46 vjeçar pasi janë kapur duke drejtuar mjetin në gjendje të dehur. Ndërkohë, do të prcedohen penalisht edhe tre shtetas të mitur pasi janë kapur në flagrancë duke tentuar të vjedhin një bankomat.
Njoftimi i Policisë:
Tiranë
Goditet një tjetër rast i shpërndarjes së lëndëve narkotike në doza të vogla, vihet në pranga 1 shtetas.
Arrestohen në flagrancë dhe 2 drejtues mjetesh, si dhe procedohen në gjendje të lirë 3 shtetas të mitur.
Specialistët për Hetimin e Narkotikëve dhe Trafiqeve në DVP Tiranë, në vijim të goditjeve të njëpasnjëshme kundër aktivitetit kriminal në fushën e shpërndarjes së lëndëve narkotike, bazuar në informacionet e siguruara në rrugë operative nga burime të ndryshme, goditën një tjetër rast. Si rezultat u bë arrestimi në flagrancë i shtetasit J. Ç., 28 vjeç, pasi në rrugën “Artan Lenja” është kapur në flagrancë duke shitur lëndë narkotike në doza, të cilat u sekuestruan në cilësinë e provës materiale, së bashku me një shumë parash të përfituar nga shitja e lëndës narkotike dhe 1 peshore elektronike që përdorej për peshimin e saj.
Nga specialistët e Qarkullimit Rrugor u bë arrestimi në flagrancë të shtetasve:
- I., 46 vjeç dhe S. R., 46 vjeç, pasi u kapën në flagrancë duke drejtuar mjetet përkatëse në gjendje të dehur.
Specialistët për Hetimin e Krimit në Komisariatin e Policisë Nr. 3 filluan procedimin në gjendje të lirë për 3 shtetasit e mitur që u kapën në flagrancë ditën e djeshme, duke tentuar të vidhnin në një bankomat. Nga veprimet hetimore dyshohet se këta shtetas janë autorë edhe të 6 vjedhjeve të tjera të ndodhura gjatë muajit janar dhe shkurt.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
