Lideri i Lëvizjes VetëVednosje i ka bërë thirrje qytetarëve kosovarë që të dalin masivisht të votojnë ne zgjedhjet e 14 shkurtit. Në një video-mesazh ai ka thënë se mërgata është duke votuar masivisht për ndryshimin dhe kjo gjë e mbush me shpresë.
“Mërgata jonë po voton masivisht në këto zgjedhje. Disa kanë paguar bileta të shtrenjta të avionit, disa kanë shpenzuar qindra euro për të votuar me postë, e të tjerë kanë bërë plane për të ardhur me autobusë e makina drejtë ndryshimit të madh me 14 shkurt. Sado që më zemëron padrejtësia ndaj mërgatës, zemra më mbushet me shpresë nga vullneti e dashuria e madhe që kanë ata për vendin e tyre, sepse ata e dinë se këto zgjedhje janë referendum për të ardhmen, ku çdo votë e bënë ndryshimin,”-ka thënë Kurti.
Më tej lideri i LVV ka thënë se kosovarët nuk kanë arsye për të mos dalë në votime. Kurti është shprehur se në 14 shkurt ata do të bëhen pjesë e historisë dhe të votojnë Lëvizjen Vetëvendosje.
“Ne që jemi në Kosovë nuk kemi arsye për të mos dalë. Duhet të dalim të gjithë e së bashku të bëhemi pjesë e historisë me 14 shkurt. Krejt do të zgjedhim dhe drejt. Duhet ta votojmë Lëvizjen Vetëvendosje me numrin 127”, ka përfunduar Kurti.
