Falimentimi i kompanisë ajrore “Germania AG” ka shkaktuar probleme jo vetëm për qytetarët dhe turistët, por edhe tek vetë policia gjermane.
Mediat gjermane shkruajnë se falimentimi i linjës ajrore të Berlinit ka bërë që të pezullohet deportimi i disa shqiptarëve për në Shqipëri dhe Kosovë.
Fillimisht policia federale gjermane kishte organizuar dëbimin e rreth 30 shqiptarëve në Tiranë dhe 20 personave të tjerë në Prishtinë, nën organizimin e agjencisë së mbrojtjes kufitare të BE-së “Frontex”.
Shqiptarët duhet të dëboheshin nga Frankfurti me fluturimin “ST 1020” të Gjermanisë, por pas falimentimit të kompanisë ajrore, policia federale duhej të ripërpilonte nën presion të madh kohor dhe të nënshkruante një marrëveshje me ‘xhet airbus’, avionin e kompanisë private “Sundair”.
Huazimi i këtij avioni për deportim sipas “Frontex”, kishte kushtuar rreth 300,000 euro.
