Pengmarrja e Jan Prengës vitin e kaluar bëri shumë bujë dhe ngriti në këmbë strukturat e policisë së Shtetit. Megjithëkëtë, ende nuk ka një fajtor të shpallur nga gjykata për cështjen e fjalë. Balkan web shkruan se ditën e sotme GJKKO ka liruar nga burgu Ardian Doçaj duke e lënqë vetëm në detyrim paraqitje. Mësohet se GJKKO e ka marrë vendimin pas kërkesës së avokatit të të akuzuarit, Tonin Prendi dhe e zëvendësoi masën e Doçajt nga arrest me burg në detyrim paraqitje.
Akuza që rëndon mbi Doçajn është për përfshirjen në pengmarrjen e Jan Prengës vitin e kaluar, ku mendohet se ishin të përfshira edhe disa grupe kriminale kurse krimi ishte porositur që nga Ekuadori.
Konflikti që solli pengmarrjen dhe vrasjen e Jan Prengës ishte përplasja për një sasi të madhe kokaine në Angli
U bë e ditur se ngarkesa ishte në pronësi të Dritan Rexhepit, një shqiptari të burgosur në Ekuador që dyshohet se dha urdhër që t’i bëhej presion Astrit Prengës për të liruar ngarkesën duke i marrë peng vëllain në Shqipëri, Jan Prengën që jetonte në Kamëz. Ende nuk ka të dënuar për ngjarjen në fjalë, por dyshohet se organizatorë të ngjarjes së janarit mund të jenë anëtarë të tre grupeve kriminale, ndër të cilët edhe Altin Hajri. Ndërkohë, Ardian Doçaj u dorëzua në 5 shkurt të vitit të kaluar në doganën e Hanit të Hotit. Ai adje ishte edhe subjet i OFL, e cila i sekuestroi banesën.
