Nuk kanë fund skandalet me programin më të ndjekur të momentit, Për’puthen. Pas shumë spekulimeve në rrjetet sociale, ditën e sotme është konfirmuar lidhja e përfolur mes Teas dhe Beartit. Fillimisht dolën foto ku dyshja në fjalë shfaqeshin duke u puthur në buzë ndërsa më pas ka qenë vetë Tea ajo që ka postuar video nga Boga duke konfirmuar lidhjen. Boga është i njëjti vend nga ku ish-konkurrentja e përputhen, Shqipe Hysenaj postoi foto të Teas dhe Beartit ku vërtetohej se ata ishin çift.
Tea i kishte mohuar akuzat duke postuar edhe një video nga ballkoni i shtëpisë së saj në Tiranë për të vërtetuar se nuk ishte në Bogë më Beartin, por duket se e gjitha ka qenë një lojë. Lajmi e ka lënë publikun të shokuar dhe mbi të gjitha shumë i tronditur duket të ketë mbetur Andi i cili doli çift me Tean nga Për’puthen. Andi ka postuar në Instagram një video nga makina dhe i kërkon falje publikut duke thënë se ka mbetur pa fjalë.
“Nuk di nga t’ja nisë çfarë të them. Nuk kam fjalë për këtë që sapo ndodhi, por do bëj një live do flasim për të gjitha se ju detyrohemi një shpjegim nga ana morale si dhe unë dhe Tea, sapo të qartësohem do ju them dhe ju ca do ndodh ju kërkoj falje të gjithëve, thjesht ju kërkoj shumë falje”, shprehet Andi.
