Trajneri i Paris Saint-Germain Mauricio Pochettino ka dalë pozitiv për Covid-19, thanë kampionët francezë vetëm dy javë pasi mori punën e tij. Lajmi bëhet i ditur nga vetë klubi kryeqytetas, në prag të ndeshjes së nesërme ndaj Anxhers, për javën e 20-të të Ligue 1. Argjentinasi 48-vjeçar do të “respektojë izolimin dhe do t’i nënshtrohet protokolleve të duhura shëndetësore”, tha PSG.
Asistentët e tij Jesus Perez dhe Miguel D’Agostino do të marrin drejtimin e ekipit për udhëtimin e së shtunës në Angers. Tre lojtarë të PSG tashmë ishin testuar pozitivë për virusin javën e fundit – braziliani Rafinha, Thilo Kehrer i Gjermanisë dhe francezi Colin Dagba.
Ish-trajneri i Tottenhamit, Pochettino ka mbikëqyrur tre ndeshje të PSG-së deri më tani, veçanërisht duke fituar Trofeun e Kampionëve në Lens të Mërkurën falë një fitore 2-1 ndaj rivalëve të hidhur Marseille. Pochettino mori detyrën nga Thomas Tuchel dhe nënshkroi një kontratë deri më 30 qershor 2022 me një mundësi për një vit shtesë.
Franca ka shënuar nga më shumë se 2.8 milion infeksione Covid-19 dhe 69,313 vdekje, sipas shifrave zyrtare. Nga e Shtuna, do të prezantohet një shtetrrethim mbarëkombëtar, duke filluar nga ora 18:00.
Sipas protokolleve të rënë dakord në fillim të shtatorit, ndeshjet shtyhen nëse një ekip nuk ka 20 lojtarë me prova negative në dispozicion.
