Të dielën Juventusi do të ndeshet me kundërshtarin më të fortë Interin në kuadër të javës së 18-të të Serie A. Në fillim të javës qarkulluan lajme se juventinët do të zbresin në fushë me disa mungesa për shkak të disa lëndimeve dhe problemeve te disa lojtarë. Por duket se ka lajme tê mira në kampin e bardhezinjve. Sipas “SportMediaset.com”, Federico Chiesa dhe Weston McKennie janë stërvitur normalisht dhe do jenë gati për Interin. Në këtë mënyrë trajneri i Juventus, Andrea Pirlo, mund ti ketë ata të gatshëm për ndeshjen e së dielës.
Mediat italiane raportojnë se në testimet e fundit Alex Sandro dhe Juan Cuadrado kanë rezultuar negativ dhe pritet të jenë të dielen, por duhet t’ju nënshtrohen edhe një testi paraprak për të qenë të sigurt. Kjo do të thotë se tekniku Pirlo, mund të ketë në dispozicion katër futbollistë që deri dje ishin në dyshim në derbin e shumëpritur ndaj Interit. Ndërkohë kujtojmë se futbollisti i bardhezinjve Dybala vazhdon të mbetet jashtë fushës pasi u dëmtua të dielën në ndeshjen kundër Sassuolos.
Gjatë ndeshjes tê së dielës, argjentinasi Dybala u dëmtua në shkallën e dytë të ligamentit të gjurit të majtë dhe do jetë jashtë fushës së gjelbër për 15-20 ditët e ardhshme.