Njerëzit që kanë pasur COVID-19 ka të ngjarë të mbrohen nga ri-infektimi për të paktën pesë muaj, ka zbuluar një studim paraprak i punonjësve të kujdesit shëndetësor në Mbretërinë e Bashkuar. Por ekspertët paralajmëruan se ata me imunitet ende mund ta mbajnë virusin në hundë dhe fyt dhe rrezikojnë ta transmetojnë atë tek të tjerët.
Studiuesit zbuluan se mbrojtja e antitrupave pas infeksionit zgjat mesatarisht për të paktën pesë muaj. “Kjo do të thotë që shumë njerëz që morën sëmundjen në valën e parë tani mund të jenë të prekshëm për ta kapur përsëri,” tha qeveria në një deklaratë duke njoftuar rezultatet e studimit të ndërmjetëm.
Duke iu përgjigjur studimit, Prof. Lawrence Young, virolog dhe profesor i onkologjisë molekulare në Shkollën Mjekësore Warwick, tha se infeksioni primar ofronte “nivele të ngjashme mbrojtjeje” nga infeksioni simptomatik si ai i ofruar nga disa prej vaksinave.
Kjo do të thotë edhe nëse besoni se e keni kaluar tashmë sëmundjen dhe jeni të mbrojtur, mund të siguroheni se nuk ka shumë të ngjarë që të merrni infektime të rënda. Por ekziston ende një rrezik që mund të merrni një infetim dhe t’ia transmetoni të tjerëve.
Në studim u përfshinë dhjetëra mijëra punonjës të sektorit shëndetësor në Britani, të cilët janë testuar rregullisht që nga qershori.
