Bardheblutë e Tiranës vijojnë me blerjet e radhës në këtë merkato dimri. Pasi prezantuan ditën e djeshme Taulant Seferin, sulmuesin e kombëtares kuqezi i cili ka ardhur në formë huazimi deri në fund të sezonit nga Young Boys, sot kanë prezantuar një prurje të re për kampionët në fuqi të Shqipërisë.
Blerja e radhës është Jocelin Behiratche, 20-vjeçari nga Kameruni. Ai kaloi me sukses provën me bardheblute dhe pas zhbllokimit të merkatos, u zyrtarizua sot si përforcimi më i ri i kampionëve në fuqi të Shqipërisë. Afrikani aktivizohet në rolin e qendërmbrojtësit, por mund të luajë dhe si mesfushor qendror dhe ka firmosur një kontratë 2-vjeçare me kampionat e Shqipërisë.
Ndërkohë drejtori teknik, Tefik Osmani tha se nëse kemi mundësi mund të arrijmë të marrim edhe lojtarë brenda vendi.
“Lojtarët që ne duam të marrim janë në vazhdimësi. Ne në një kohë rekord me klubin arritëm të zhbllokonim merkato. Lojtarët e tjerë janë nga jashtë Shqipërisë, por nëse kemi mundësi mund të arrijmë të marrim edhe lojtarë brenda vendit. Nuk është e lehtë të gjesh lojtarë në kampionatin tonë , por shpresojmë të sjellim 2 apo 3 blerje të reja”.
Njoftimi i Tiranës:
“Mirësevjen Jocelin Behiratche! Klubi i Futbollit Tirana njofton afrimin e radhës në merkaton e Janarit.Jocelin Behiratche është emri i ri që do të rreshtohet në radhët e bardhebluve. Qendërmbrojtësi 20 vjeçar pas kryerjes së të gjitha analizave të nevojshme nënshkroi kontratën që e bën atë pjesë të klubit për dy sezonet e ardhshme”.
