Ministri i Jashtëm i Turqisë, Mevlut Cavusoglu, me deklaratën e sotme të tij në TRT Haber, ka zbuluar një lajm të bujshëm.
Cavosoglu ka ftuar Greqinë për bisedime rreth pretendimeve territoriale në detin Mesdhe, ku është shprehur i gatshëm që ky takim të mbahet në Tiranë, me kryeministrin Rama si ndërmjetës të tyre.
Gjatë një konference në Qipro, Cavusoglu tha se Turqia do të ketë një qasje të re në negociata, ku bëhet fjalë për një marrëveshje të re në dy faza.
Deklarata e ministrit turk Cacusoglu, vjen vetëm pak ditë pas vizitës së kryeministrit Rama në Ankara dhe më pas në Athinë, ku siç deklaroi, diskutoi me krerët e dy shteteve edhe për “problematikat rajonale”.
“Qeveria Tsipras erdhi në pushtet në 2016, nuk donte të vazhdonte bisedimet. Pas zhvillimeve në Mesdheun Lindor, bisedimet u rikthyen në axhendë. Në një bisedë në telefon, gjatë periudhës së izolimit, ne thamë se jemi gati për bisedime paraprake. Greqia tha se ajo mund të fillonte negociatat rreth 11 janarit. Ndaj sot, ne ftojmë Greqinë që ta zhvillojmë takimin e parë në janar. Ne jemi vendi pritës.
Miqtë tanë janë angazhuar në negociata. Por ne jemi gati që sot. Pas këtij takimi të parë, unë do të shkoj në Tiranë, me ftesë të Edi Ramës dhe jam gati të takohem me ministrin e jashtëm grek Dendias. Shpresoj që Greqia të mos e refuzojë këtë dhe bisedimet të rifillojnë brenda këtij muaji”, ka deklaruar Cavusoglu.
Kujtojmë se Ankaraja dhe Athina zyrtare kanë zhvilluar rreth 60 raunde bisedimesh, por në vitin 2016 këto negociata u ndërprenë.
Tensionet mes dy vendeve u shtuan gjatë muajve të fundit, ku një anije turke nisi eksplorimin për naftë në ujërat të cilat pretendohen edhe nga Greqia./Gazetareforma.com/
