Është ndarë nga jeta në mënyrë tragjike profesori i Universitetit “Fan Noli” në Korçë, Dioni Tushi.
Ditën e djeshme mësohet se ai hipi në çatinë e banesës së tij për të rregulluar kondicionerin, por është rrëzuar dhe ka marrë dëmtime të rënda.
Edhe pse u dërgua me urgjencë në spital, profesori nuk ia doli të mbijetojë për shkak se ka patur edhe hemorragji të brendshme.
Dioni Tushi jepte lëndën e filozifisë në Universitetin e Korçës, “Fan Noli”, ndërsa ushtronte edhe detyrën e drejtorit në një shkollë të mesme.
Mësohet se Tushi ishte drejtori i gjimnazit grek jopublik në Korcë ”Platon”, ose e njohur edhe si “Omiros”.
Bëhet me dije se pedagogu u nda nga jeta në moshën 49 vjeçare.
Njoftimin e kanë bërë të afërmit e profesorit, ku mësohet se Dion Tushi të ketë rënë nga çatia e shtëpisë së tij aksidentalisht pasi ka pësuar hemorragji te brendshme ka humbur jetën.
Sipas të afërmve dhe mediave locale të Korçës, pedagogu i njohur i Universitetit të Korçës “Fan S. Noli” dhe drejtori i shkollës së mesme greke “Platon”, ka ndërruar jetë fatkeqësisht gjatë rrugës për në spital, për shkak të hemorragjisë së brendshme.
Edhe kolegët pedagogë në Universitetit e Korçës “Fan S. Noli”, kanë shprehur ngushëllimet e tyre për ndarjen nga jeta të kolegut të tyre./Gazetareforma.com/
