Pas disa ndeshjesh “shterpë” në gola, ka ardhur zhbllokimi nga ana e Kombëtares kuqezi.
Në ndeshjen e radhës në kuadër të Ligës së Kombeve ndaj Kazakistanit, e cila luhet në “Air Albania”, ekipi kombëtar është në avantazh me rezultatin 2-1.
Fillimisht ishte sulmuesi nga Kavaja, Sokol Cikalleshi, i cili ka gjetur avantazhin për Shqipërinë, me një krosim perfekt nga Memushaj.
Pas golit të Cikalleshit në minutën e 16-të, Shqipëria ka dyfishuar shtatë minuta më vonë. Autori i golit Ardijan Ismajli, i pari me kombëtaren për mbrojtësin dardan.
24-vjeçari Ismajli arriti që të përfitonte nga portiere kazak, i cili pas një grushtimi jo të saktë të tij, Ismajli u tregua i vëmendshëm dhe e dërgoi topin në rrjetë. Mirëpo euforia e tejzgjatur e futbollistëve kuqezi, bëri që ta pësojmë. Portieri Etrit Berisha ndërkohë që kishte dalur duke festuar golin me shokët e skuadrës, kazakët përfitojnë dhe nga distanca sulmuesi kazak Abat Aymbetov shënoi një eurogol duke dhuruar një “predhë” nga mesi i fushës, duke ngushtuar kështu diferencën në 2-1 për skuadrën e Edi Rejës./GazetaReforma.com/
