Vazhdojnë punimet në autostradën Tiranë- Durrës dhe për këtë arsye Autoriteti Rrugor Shqiptar ka lajmëruar se do të këtë devijim trafiku.
Sipas ARRSH, segmenti rrugor tek City Park do bllokohet për shkak të punimeve të emergjencës tashmë të miratuara për këtë aks.
“Punimet do të realizohen brenda 2 ditëve dhe trafiku në drejtimin Durrës-Tiranë në këto segmente do të orientohet me një kalim”, lajmëron ARRSH.
Njoftimi i plotë
Në segmentin rrugor Tiranë-Durrës, tek CityPark dhe Ford për referencë, në kuadër të punimeve të emergjencës të miratuara për këtë segment rrugor, sot po punohet për zëvendësimin e Nevv Jersave me guardrela në këto dy pika të saj.
Punimet do të realizohen brenda 2 ditëve dhe trafiku në drejtimin Durrës-Tiranë në këto segmente do të orientohet me një kalim. Ndërkohë, janë marrë masat për devijimin e trafikut me sinjalistikën e nevojshme me qëllim orientimin sa më të qartë të qytetarëve.
