Shoferët në vend, ndodh që shpesh të jenë të pakujdesshëm, por edhe Policia Rrugore duket se këtë pret…
Ajo e Tiranës, ka vijuar gjatë natës së mbrëmshme me kontrollet me radar për rritjen e parametrave të sigurisë rrugore dhe po në këtë kohë ka bërë një mal me gjoba duke penalizuar dhjetëra shoferë.
Ata janë fokusuar siç ndodh shpesh në aksin Sauk-TEG dhe në të gjitha rrugët e kryeqytetit.
Por, sipas bluve, pavarësisht kontrolleve të shtuara jo vetëm në fundjavë, por çdo ditë, përsëri evidentohen shumë drejtues mjetesh, të cilët vijojnë të shkelin rregullat dhe të abuzojnë me shpejtësinë, alkoolin duke rrezikuar jetën e tyre dhe të përdoruesve të tjerë të rrugës.
“Prej orës 20:00 të mbrëmjes e deri në 01:00 të mëngjesit të sotëm janë evidentuar nga kontrolli me radar 10 drejtues mjetesh që qarkullonin me shpejtësi mbi normat e lejuara, shpejtësi që varionin nga 142 km/h deri 174 km/h ✈️, rrezik potencial për aksident rrugor. U është pezulluar leja e drejtimit 11 drejtuesve të automjeteve të cilët drejtonin mjetin nën efektin e alkoolit, në masën që varionte nga 0.30 mg/l deri në 0.49 mg/l.
Gjithashtu janë evidentuar dhe arrestuar në kushtet e flagrancës 2 drejtues mjetesh që drejtonin mjetin në gjendje të dehur, në masën që varionte nga 0.55 mg/l deri në 0.68 mg/l“,- thotë Policia.
/GazetaReforma.com/
