Ditën e sotme u njoftua se Gjykata Speciale e Hagës ka konfirmuar aktakuzat për krime lufte ndaj presidentit të Kosovës Hashim Thaçi dhe liderit të Partisë Demokratike të Kosovës, Kadri Veseli.
Në lidhje me këto akuza dhe dorëheqjen nga posti i presidentit ka reaguar dhe djali i Hashim Thaçit, Endriti.
Me anë të një posti në Instagram, Endriti ka shkruar se babai i tij e ka fituar lirinë dhe tashmë do të udhëheqë betejën për drejtësi. Më tej i biri i Thaçit ka shkruar se do ta marrë malli shumë, por që do festojë çdo ditë me buzëqeshje dhe kokën lartë për fitoren e babait të tij.
“Baba im e ka fitu betejën e lirisë. Dhe të lirë jemi. Ai e udhëhoqi edhe betejën për republike. Dhe shtet u bëmë e do të mbesim. Tash do ta udhëheq betejën për drejtësi. Sepse babai , bashkëluftëtarët e tij dhe krejt lufta ishte e drejtë. Do të më merr malli shumë por do të festoj çdo ditë me buzëqeshje dhe kokën lartë fitoret e tuja me mamin, familjën tonë, shokët. Do të pres me pa durim edhe pse shpejtë do të kthehesh në shtëpi. UÇK,”- shkruan ai krah një fotoje ku shfaqet bashkë me të atin.
https://www.instagram.com/p/CHNOuitrrM_/?igshid=q7veq13zj4h0
