Kishte mashtruar shtetin me fatura false, për një shumë 1.5 milionë euro, megjithatë Gjykata e Apelit e Tiranës i heq arrestin me burg. Biznesmeni i naftës Isuf Berberi ndodhej në arrati kur prokuroria e kishte marrë këtë masë ndaj tij.
Kështu, trupi gjykues e rrëzoi masën e sigurisë “arrest me burg në mungesë” për biznesmenin Isuf Berberi. Gjykata ngarkon Prokurorinë e Tiranës në ekzekutimin e vendimit për lirimin e biznesmenit Berberi, i cili i shpëtoi prangave pasi u arratis ditën që do arrestohej.
Kompania e tij “Phoenix Petroleum”, e cila është përfshirë në abuzimin me rreth 1.5 milion dollarë ka shfrytëzuar disa puse nafte dhe ka paraqitur në AKBN tetë fatura të falsifikuara për shërbime që realisht nuk i ka përfituar nga kompania amerikane Black Swan Energy Service. Falsiteti i këtyre faturave është konfirmuar nga autoritetet gjyqësore amerikane dhe vlera totale e tyre është 1.299.000 USD.
Sipas Qendrën Kombëtare të Biznesit, kompania “Phoenix Petroleum” është themeluar më datë 27.05. 2009, me objekt aktiviteti “Kryerja e te gjitha punimeve ndihmese ne puset e naftes e te gazi, ndërtimi i rezervuarëve metalike horizontalë e vertikalë, i vaskave të betonit, dambave të depozitimit te mbeturinave, ndërtimi i tubacioneve, remont i kaldajave te impianteve, punimet për pastrimin e rezervuarëve, etj.”
/GazetaReforma.com/
