Partia Republikane kërkon 7 mandate në listën e kandidatëve për deputetë ose do të dalë e vetme në zgjedhje. Kjo është kërkesa që e ka bërë publike Fatmir Media, kreu i PR. Duke folur për Report Tv, Mediu tha se Partia Republikane po përgatitet që të dalë edhe e vetme në zgjedhjet e 25 prillit.
“PR ka pasur një historik elektoral dhe ne kërkon krijimin e grupit parlamentar, nga ana tjetër në përgjegjshmërinë tonë ne nuk duam që asnjë votë që nuk kthehet në mandat të shkojë në favor të Ramës, prandaj duhet një organizim për të optimizuar votën e së djathtës. Nuk pres racionalitet nga Rama, nëse do presim këtë nuk jemi racional vetë. Ka filluar procesi i manipulimit për ta përçarë opozitën. Opozita duhet të përcaktojë kandidaturat, ka një proces që ka nisur nga PD dhe Reforma Zgjedhore, nuk ka asnjë vlerë se ca thotë ‘Venecia’ se kur ka refuzuar Europën, përballë kësaj duhet një organizim i opozitës, koha që kalon është në disfavorin tonë”, deklaroi Mediu.
/GazetaReforma.com/
