Ylli i Barcelonës, Leo Messi gjatë verës që lamë pas deshi të largohej nga ekipi ku u rrit, por pas këmbëbguljes së ish-presidentitt Bartomeu dhe tifozave të kësaj skuadre ai vendosi të qendronte edhe për një sezon tjetër.
Por në mediat angleze kanë filluar të qarkulllojnë lajme se ekipi i Man.CITY ka gati një super ofertë për argjentinasin i cili në janar mund të largohet.
Por edhe vetë vetë drejtori i operacioneve financiare në klubin e Man.City, Omar Berrada tha se Messi është i jashtëzakonshëm, dhe nëse do të largohej nga Barcelona, do merret në konsideraatë mundësia e transferimit.
“Është një talent i jashtëzakonshëm, mund të ketë një impakt shumë domethënës në çdo klub të botës, brenda dhe jashtë fushe. Është futbollisti më i mirë në botë, më i miri në gjeneratën e tij. Mendoj se çdo klub në botë do ti pëlqente ta kishte në dispozicion. Nëse Messi vendos të largohet nga Barcelona do ta marrim në konsideratë mundësinë për ta transferuar”, u shpreh Berrada.
Ndërkohë kujtojmë se Man.City tani drejtohet nga Pep Guardiola, i cili më parë ka drejtuar dhe Barcelonën, kjo do të ishte një mundësi e artë për vetë Man.CITY-n por edhe Messin e Guardiolën.
