Ka pritur ditën e sotme të gdhijë, që t’i përgjigjet deklaratave të forta të Presidentit të Republikës, Ilir Meta, në adresë të tij, bërë dje nga emisioni “Zonë e lirë” në TV Klan.
Kryeministri Edi Rama, vetëm sot nga Kukësi ka “shpërthyer” me tone të ashpra ndaj Presidentit Meta, teksa e ka quajtur atë “të rrjedhur” dhe “të lajthitur”.
Rama tha se, është e vërtetë që e ka votuar edhe vetë Metën, por sipas tij, nuk mund ta parashikonte që ai “do t’i lëshojë pëllumbat”.
Mes të tjerash, Rama hodhi dyshime të forta që Meta fshihej pas çadrës së opozitës, të ngritur mes Presidencës dhe Kryeministrisë para zgjedhjeve të 2017-ës
“Shfaqen në ekrane si të dehur që shfaqen në derën e klublit dhe nuk kontrollojnë dot më zorrët e barkut. Çfarë kërkon Ilir Meta nga Shqipëria? Rama nga Kukësi:. Ne i dhamë një President opozitës, por jo një lolo Çfarë kërkon Ilir Meta nga Shqipëria dhe nga shqiptarët dhe nuk rri dot pa nxitur sherr? Kur zihen dy vetë përfiton një i tretë thotë populli. Kjo është diviza e Ilir Metës, fut në sherr dy vetë që të përfitojë. Shqiptarët e bënë Kryeministër 30 vjeç dhe e bënë President 50 vjeç. E do thonë se bëmë ne, por e bërë ti, jo, jo s’e kam bërë unë President, u bë President se kishte dhe votat e tij në atë Parlament. Ne i dhamë një President opozitës, por jo një lolo. Fakti që Presidenti është kthyer në lolo, s’do thotë që ka qenë lolo edhe në të shkuarën. Por me kalimin e moshës i ka lëshuar pëllumbat me kalimin e kohës. Të njëjtën gjë bënte edhe kur ishte çadra e opozitës, hidhte një gurë dhe fshihte dorën. Përfytyroni se çfarë ndodh nëse u mbetet atyre puna e rindërtimit. Një grup familjesh u përmbytën në Shkodër, dhe u desh të vinim ne në qeveri që t’ju jepnim dëmshpërblimet. U desh të vinim ne që ata të merrnin paratë e një përmbytje që kishte ndodhur vite më parë”.
/GazetaReforma.com/
