Sindikata ndërkombëtare, IndustriALL Global Union i kërkon kryeministrit Edi Rama të ndërhyjë sa më parë që tu kthehen pagat e prapambetura naftëtarëve të Ballshit.
Është Sindikata e Naftëtarëve në Shqipëri, që njofton përmbajtjen e letrës drejtuar kryeministrit Edi Rama.
“Sindikata ndërkombëtare IndustriALL Global Union që përfaqëson miliona punëtorë në sektorët e minierave, energjisë dhe manifakturës, i ka nisur një letër kryeministrit Edi Rama dhe qeverisë së tij që të ndërhyjë në mënyrë që të paguhen pagat e prapambetura të naftëtarëve. Ata i rikujtonë Ramës se edhe pse e kanë kontaktuar për të njëjtën problematikë në muajin prill, nuk ka pasur zhvillime pozitive. Për IndustriAll është e papranueshme situata e krijuar dhe presin zgjidhje të menjëhershme. Naftëtarët e bashkuar kanë për të fituar!” – shkruan sindikata e naftëtarëve në Shqipëri.
Greva e naftëtarëve gra ka hyrë në ditën e dhjetë të saj. Grevistet e Ballshit, bëjnë me dije se jo vetëm nuk do të tërhiqen, por do iu bashkohen edhe fëmijët e tyre.
/GazetaReforma.com/
