Gjykata Kushtetuese në Poloni ka vendosur me ligj ndalimin e aborteve.
Edhe pse ligjet e abortit në Poloni ishin nga më të ashprat në Evropë, ato janë ngritur edhe një shkallë më lart. Pasi tani më nuk do të lejohet aborti i foshnjave edhe në rast se ka defekte fetale.
Kur vendimi të hyjë në fuqi, abortet e lejueshme do të jenë vetëm në raste përdhunimi, incesti apo të rrezikut fatal për shëndetin e nënës.
Mediat kanë raportuar se 98% e aborteve të grave në Poloni vinin nga defektet fetale, dhe tashmë me vendimin e ri gratë do të jenë të detyruara të mbajnë fëmijën në bark edhe pse e dinë se mund të mos mbijetojë.
Komisioneri i Këshillit të Evropës për të Drejtat e Njeriut, Dunja Mijatovic ka dënuar këtë vendim duke e cilësuar ditën e sotme si një ditë të trishtë për të drejtat e grave. Gratë në Poloni janë ngritur në protestë kundër këtij vendimi që i privon liritë.
