Gratë naftëtare gjenden në ditën e 7-të të grevës, ndërsa gjendja shëndetësore vjen të rëndohet. Ato kanë kollë, lodhje fizike si dhe probleme me tensionin.
Gjithsesi, ato shprehen se do rezitojnë deri në fund këtë grevë. Ato shprehen se do vijojnë deri në fund, sa të marrin rrogat e të kthehen në punë. I bëjnë gjithashtu thirrje kryeministrit ta zgjidhë këtë çështje sa më parë.
“Nuk dorëzohemi asnjëherë sa të bëjmë atë kauzën tonë sa të marrim rrogat dhe të kthehemi në punë. Jemi shumë të lodhura, kemi pasur nevojë edhe për ndihmën e mjekëve, i kemi marrë në telefon”,- tha njëra prej grave.
“E rënduar dhe në siklet të madh ndjehem, por e kam thënë dhe do ta them se do qëndroj deri në fund sa të marrim rrogat. Unë do bëj sakrificë deri në fund. Deri tani asnjë gjë, i lutemi kryeministrit t’i japë zgjidhje sa më parë”,- apeloi një tjetër.
Reagimi i Edi Ramës
Edi Rama ka reaguar menjëherë pas kësaj thirrje të naftëtarëve. Ai sërish u bën thirrje të dalin nga greva dhe të bisedojnë, sepse sipas tij qeveria nuk ka shkopin magjik për një problem që nuk ja ka shkaktuar ai.
STATUSI NGA EDI RAMA
Naftëtarët duhet të dalin nga greva që të bisedojmë për të mos i lënë vetëm në këtë hall që as e ka shkaktuar qeveria, as zgjidhet me presion e me ultimatume! Ne nuk kemi shkop magjik, po kemi gjithë vullnetin të lehtësojmë situatën. Me logjikë dhe solidaritet si një familje.
/GazetaReforma.com/
