Gjatë seancës së sotme parlamentare në Kuvend dhe diskutimeve të shumta mes palëve janë miratuar 6 projketligje.
Kështu me 92 vota pro, 10 kundër dhe 6 abstenim është miratuar projektligji “Për disa ndryshime dhe shtesa në ligjin nr. 9632, datë 30.10.2006 “Për sistemin e taksave vendore” të ndryshuar””.
Më tej është votuar me 90 vota pro, 10 kundër dhe 6 abstenim Projektligji “Për një shtesë në ligjin nr. 92/2014, “Për tatimin mbi vlerën e shtuar në Republikën e Shqipërisë”, të ndryshuar”.
Me 95 vota pro, 6 kundër dhe 5 abstenim është miratuar projektligji “Për disa ndryshime dhe shtesa në ligjin nr. 10221, datë 04.02.2010, “Për mbrojtjen nga diskriminimi”.
Me 100 vota pro, 13 kundër dhe 6 abstenim është miratuar projektligji “Për disa shtesa dhe ndryshime në ligjin nr. 9669, datë 18.12.2006 “Për masat ndaj dhunës në marrëdhëniet familjare” të ndryshuar”.
Projektligji “Për metrologjinë” u miratua me 89 vota pro, 13 kundër dhe 6 abstenim.
Ndërkohë me 84 vota pro, 14 kundër dhe 10 abstenim është miratuar projektligji “Për regjistrimin, mënyrën e përdorimit dhe kontrollin e mjeteve lundruese, turistike e të kënaqësisë, me motor me fuqi mbi 30 kv ose 40.8 kf dhe tonazh nën 150 GT”.
