Një shqiptar është arrestuar ditën e sotme në Firence për shkak të kundërshtimit për të mbajtur maskë në rrugë.
Ai nuk ishte dakord me masat e reja të qeverisë italiane për përdorimin e maskave në ambientet e jashtme dhe ato të brendshme, dhe u shfaq duke ecur nëpër qytet pa maskë.
Kur oficerët e Policisë Komunale e ndaluan dhe e paralajmëruan për ndëshkimin që do të merrte për mos respektimin e masave por ai i sulmoi fizikisht ata duke i dërguar të tre në urgjencën e qytetit.
Ngjarjet ndodhën në via Calzaiuoli. Emigranti, i cili po ecte në shoqërinë e një gruaje, gjithashtu pa maskë, filloi të diskutonte me policinë por gjërat shkuan më keq me përleshjen fizike që pati me policët duke pretenduar se kishte të drejtë të lëvizte pa hundë dhe gojë të mbuluar.
Goditje, shqelma dhe një breshëri grushtesh pa fund, duke bërë që tre policë të shkonin më pas në spital. Njërit prej tyre i kafshoi gishtin dhe për pak sa nuk ia këputi fare.
Shqiptari tashmë ndodhet në pranga dhe nesër pritet që të dalë para gjykatës për të marrë dënimin.
