Kombëtarja shqiptare e futbollit e ka marrë veten menjëherë nga barazimi i djeshëm pa gola ndaj Kazakistanit, ndeshje e vlefshme për kualifikueset e Ligës së Kombeve.
Ditën e sotme përfaqësuesja jonë zbriti zbriti në qendrën stërvitore të klubit kazak të Kairat, për t’u përgatitur për sfidën e ditës së mërkurë ndaj Lituanisë. Në këtë seancë të lehtë stërvitore, zbritën në fushën e blertë, lojtarët që nuk u aktivizuan ndaj Kazakistanit.
Nëpërmjet një njoftimi në faqen zyrtare, zyra e shtypit, bën me dije se gjendja e futbollistëve është e mirë dhe nuk ka probleme fizike, me përjashtim të Abrashit, i cili pësoi një dëmtim në kaviljes.
Njoftimi i FSHF-së
#Kombëtarja 🇦🇱⚽️ ka zhvilluar një seancë të lehtë stërvitore një ditë pas ndeshjes me Kazakistanin. Nën drejtimin e trajnerit #EdoardoReja të gjithë lojtarët që nuk u aktivizuan zbritën në fushën e blertë.
Ndërsa lojtarët që ishin titullarë ndaj Kazakistanit nuk morën pjesë në këtë seancë, që u zhvillua në qendrën stërvitore të klubit kazak FC Kairat.
Stërvitja zgjati rreth një orë dhe lojtarët u impenjuan vetëm në ushtrime me topin, pa ngarkesa fizike.
Zyra e shtypit në #FSHF bën me dije se gjendja e futbollistëve është e mirë dhe nuk ka probleme fizike me përjashtim të Amir Abrashit, i cili pësoi një dëmtim në kavilje gjatë ndeshjes së të dielës dhe u zëvendësua.
Mesfushori është nën vëzhgimin e stafit mjekësor dhe mbetet ende në dyshim për duelin e radhës ndaj Lituanisë. Vendimi do të merret në stërvitjen zyrtare para duelit të së mërkurës.
https://www.facebook.com/350141435085092/posts/3246926575406549/?vh=e&extid=0&d=n
