Komisioneri për zgjerimin e Europës, Oliver Varhelyi ka bërë me dije se është vetëizoluar në shtëpinë e tij.
Nëpërmjet një postimi në faqen e tij zyrtare në rrjetin social Facebook, komisioneri Varhelyi ka bërë me dije se një prej anëtarëve të stafit të tij ka rezultuar pozitiv me koronavirus dhe për këtë arsye, ai është karantinuar.
Sakaq pas testit të parë, komisioneri Oliver Varhelyi ka rezultuar negative me Covid-19, por pas dy javësh në izolim, ai do të bëjë një tjetër test.
“U informova sot se një anëtar i ekipit tim doli pozitiv për # COVID19. Në pritje të rezultateve të reja të testit, unë dhe anëtarët e ekipit po vet-izolohemi në përputhje me udhëzimet e shëndetit publik. Ndihem mirë, nuk kam simptoma, testet e mia gjatë javës së kaluar ishin negative. Qëndro i sigurt!”– ka shkruar komisioneri Varhelyi.
Kujtojmë se komisioneri i BE, Oliver Varhelyi, erdhi për vizitë zyrtare në Tiranë, vetëm pak ditë më parë, ku takoi edhe të politikanët e nivelit të lartë në vend. Ai gjithashtyu mbajti edhe një fjalim në foltoren e Kuvendit të Shqipërisë ku dhe hapi seancën plenare të radhës.
Takimi zyrtar në Tiranë ndodhi ditën e mërkurë, ndërkohë të nesërmen udhëtoi drejt Kosovës ku gjithashtu zhvilloi takime me krerët e politikës atje, ndërsa një ditë pas Kosovës, Varhelyi bëri një vizitë zyrtare edhe në Beograd.
Ende nuk dihet nëse anëtari i stafit të Varhelyit që rezultoi pozitiv me covdi-19 ishte gjatë vizitës zyrtare të Komisionerit në Tiranë, por deri më tani nga ana e politikanëve tanë që kanë takuar Varhelyin, nuk është bërë me dije për ndonjë karantinim paraprak./Gazetareforma.com/
