Edi Rama deklaroi ditën e djeshme se nga 15 tetori, maska do të bëhet e detyrueshme për qytetarët, dhe u bëri thirrje të zbatojnë rregullat, që të mos vijë një mbyllje e dytë prej Covid.
Duke i kthyer përgjigje pyetjeve në ‘Facebook’, kreu i qeverisë theksoi se duhet të zmbrapset rreziku i një infektimi tjetër të madh.
“Ne të gjithë kemi në dorë të bëjmë diçka të madhe, të zbatojmë rregullat dhe të vendosim maskën, nga java e ardhshme, në mënyrë që larg qoftë të mos mbyllemi sërish. Tani po punojmë fort dhe për zerimin e të gjitha kontrolleve dhe që mos të keni asnjë shqetësim e gjithçka që fitoni, ta çoni në shtëpitë tuaja, është shumë e rëndësishme të zmbrapsim rrezikun e një infektimi tjetër të madh.”, tha ai.
/GazetaReforma.com/
