Kombëtarja jonë është nisur ditën e sotme drejt Kazakistanit me të cilin do të përballet ditën e dielë për ndeshjet kualifikuese të Ligës së Kombeve.
FSHF-ja njoftoi se përpara nisjes, skuadra dhe stafi jonë kanë marrë përgjigjet e analizave për COVID-19, ku për fatin e mirë, asnjëri prej pjesëtareve nuk ka rezultuar pozitiv.
Njoftimi i FSHF-së
“Ekipi ynë kombëtar është nisur mëngjesin e sotëm për në Kazakistan, ku do të zhvillojë në 11 tetor ndeshjen e vlefshme për UEFA Nations League.
Përfaqësuesja e drejtuar nga tekniku Edoardo Reja është e plotë dhe pa asnjë mungesë nga ndryshimet e njoftuara ditën e djeshme. Gjithashtu janë marrë edhe përgjigjet e tamponit, ku të gjithë kuqezinjtë kanë rezultuar negativ ndaj COVID-19.
Shqipëria do të zhvillojë dy ndeshje në transfertë, të parën ne Kazakistan më 11 tetor dhe tre dite më pas në Lituani më 14 tetor”
