Një automjet ‘BMW X6’ është djegur mëngjesin e sotëm, rreth orës 04:30 në lagjen nr.3 të Pogradecit.
Sipas njoftimit të Policisë, mjeti luksoz është në pronësi të Alfred Cenkollarit, një biznesmen i njohur në qytetin e Pogradecit.
Nuk dihet ende nëse djegia e makinës është bërë qëllimisht nga konkurrentë të Cenkollarit, apo djegia mund të ketë qenë aksidentale.
Cenkollari është pronar i disa bizneseve të mëdha në Pogradec, si karburanti “EAST-OIL”, hotele, restorante dhe një agjensi turistike.
Automjeti ka qenë i parkuar në momentin e rënies së zjarrit. ‘Gazeta Reforma’ ka siguruar edhe foto të biznesmenit, si edhe të automjetit të tij X6, dhe të karburantit që zotëron.
Biznesmeni Alfred Cenkollari, dhe makina qe iu dogj ne sfond
Makina BMW X6 qe iu dogj
Karburanti East-Oil qe zoteron
/GazetaReforma.com/
