Kryebashkiaku Erion Veliaj, ishte i ftuar mbrëmjen e sotme në studion e emisionit ‘Open’, ku bëri disa deklarata kontradiktore.
Veliaj u shpreh se do shkojë të dorëzojë në SPAK, disa dokumente që dispononte, se kompania kontraktore për Unazën e Re, i kishte dhënë një makinë Lulzim Bashës, në këmbim që të tradhëtonte në një farë mënyrë protestën e banorëve të Astirit.
‘Nesër do i ketë SPAK këto dokumete. Kjo është vetëm 1 e 10-ta. Basha la protestën e Astirit pasi kontraktori i dha një makinë. Basha shiti për një makinë Astirin. Sot të solla një dokument, ka dhe të tjera. Jam shumë i kthjellët i solla provat. Unë e kam mundur PD në çdo betejë. Do fle dy orë gjumë dhe do shkoj te SPAK të dorëzoj dokumentet’- është shprehur ndër të tjera Veliaj.
Por, në një farë mënyre, Veliaj pranoi pa dashje, se kauza e banorëve të Astirit ishte e drejtë, duke lënë të kuptohet se ata kishin të drejtë që protestonin, dhe fakti që Basha i la në baltë, bëri që të mos kishin mbështetje të madhe, e për rrjedhojë edhe protesta e tyre të shuhej, me shembjen e banesave të tyre.
/GazetaReforma.com/
