Pas fakteve që po dalin në dritë ditë pas dite për pandeminë e koronavirusit, edhe për teknologjinë “5G” kanë nisur të zbardhen detajet dhe lidhjet e kësaj të fundit me projektet kineze.
Vetëm disa muaj më parë këto fakte dhe hipoteza konsideroheshin si konspitarive, por tashmë gjërat po bëhen zyrtare madje edhe në formë shkresore.
Kryeministri Edi Rama, ka njoftuar zyrtarisht se ka marrë një letër nga Presidenti amerikan Donald Trump, të cilën ai e ka publikuar si urim për të një ditë të mbarë për të gjithë shqiptarët.
“Mirëmëngjes, – shkruan Rama në Fb, – dhe me këtë letër që mora mbrëmë nga Presidenti i Shteteve të Bashkuara, ju uroj një ditë të mbarë”.
Por në fakt letra nuk është një “urim” për “punën e mirë” të kryeministrit Rama në këto vite, por një sugjerim për të hequr dorë nga instalimi në fshehtësi i teknologjisë “5G” të servirur si projekt “falas” nga Kina.
Deri tani të paktën një kompani celulare nga tre që ka Shqipëria, dhe më konkretisht, “Vodafone-Albania”, ka nisur testimet në disa zona të instalimit të kësaj teknologjie e cila ende në Europë është në fazë prove dhe mjaftë e kontestueshme.
Në letrën e Presidentit Donald Trump thuhet:
“I dashur Z. Kryeministër:
Në emër të Shteteve të Bashkuara të Amerikës, unë dua t’ju falënderoj juve për lidershipin e Shqipërisë në rajonin e Ballkanit dhe nëpër Europë, për ekspozimin e ndikimit malinj të Kinës, abuzimet me të drejtat e njeriut dhe praktikat grabitqare të huazimit.
Mbështetja juaj e hapur për rrjetet e sigurta të telekomunikacionit po jep një shembull të fortë dhe shpresoj që Shtetet e Bashkuara dhe Shqipëria të mund të nënshkruajnë së shpejti një Memorandum Mirëkuptimi mbi sigurinë 5G, i cili hap rrugën që edhe vendet e tjera në Ballkan të bëjnë të njëjtën gjë.
Jam gjithashtu i kënaqur nga roli i fortë i Shqipërisë në Nismën e Tre Deteve – një alternativë transparente, e bazuar në treg dhe e drejtë, e formatit Kina 17 + 1 prej të cilit unë ju nxis të dilni.
Unë dua t’ju falënderoj që e keni mbështetur normalizimin ekonomik midis Serbisë dhe Kosovës dhe për mbështetjen tuaj të fuqishme të Marrëveshjeve të Abrahamit, hapi më domethënës drejt paqes në Lindjen e Mesme për këtë gjeneratë.
Ju inkurajoj që t’u bashkoheni Shteteve të Bashkuara dhe të tjera kombeve evropiane në zhvendosjen e ambasadës suaj në Jeruzalem.
Sinqerisht”.
/GazetaReforma.com/
