Vetëm dy ditë më parë, reperi i njohur Stresi tregoi për fansat e tij se ishte i prekur me Covid-19.
Teksa tregoi se menjëherë do të vetëizolohej, ai këshilloi dhe ndjekësit e tij të bënin kujdes. Mirëpo, duket se këto fjalë nuk i ka vënë në zbatim, pasi ai jo vetëm nuk është izoluar, por është shoqëruar me persona të tjerë, duke rrezikuar kështu përhapjen e virusit.
Ai shfaqet në një festë ditëlindjeje dhe të shumtë janë personat që e ftuar. Mesa duket reperi nuk po qëndron i izoluar por shihet në shoqërinë e disa personave të tjerë.
Ndërkohë pas publikimit të këtyre videove, të shumta ishin reagimet në rrjetet sociale, ku të gjithë fansat e kritikonin reperin për thyerjen e rregullave.
Në një kohë kur e gjithë bota bën thirrje për kujdes maksimal, Stresi vendos të festojë pranë një grumbulli të madh njerëzish teksa është i infektuar me Covid-19.
Madje, ai vetë bëri thirrje për kujdes, por fjalët mbetën vetëm në Instagram!
