Ndër shumë çmenduritë që ka bërë këtë vit Ministria e Arsimit drejtuar nga Besa Shahini, duke i çoroditur nxënësit dhe sistemin arsimor shqiptar, ishte edhe formulari i Covid-19.
Formulari është i përbërë nga dy pjesë me të parën që u kërkon fëmijëve të mitur që të deklarojnë nën përgjegjësinë e tyre personale se, nuk kanë familjarë të prekur nga Covid-19 dhe se personalisht nuk janë të prekur nga Covid-19.
Pjesa e dytë i kushtohet prindit të nxënësit, i cili duhet të deklarojë se, fëmija i tij nuk është i prekur nga Covid-19.
Por avokati i njohur Jordan Daci, e cilëson si injorancë këtë veprim nga ministrja e Arsimit.
Sipas tij, fëmijët e mitur nuk kanë asnjë lloj zotësie për të vepruar dhe as që e kuptojnë rëndësinë e asaj që thekson formulari.
Ja reagimi i Avokatit Jordan Daci në rrjetet sociale:
“Injorantët e arsimit u kërkojnë fëmijëve nga 6 vjeç e lartë, të bëjnë deklaratë që nuk janë prekur nga Covid. Të njëjtën deklaratë duhet ta bëjnë edhe prindërit.
O injorantët e arsimit që keni zaptuar shtetin dhe institucionet edhe pse jeni për çobane, po si mund të bëjë deklaratë fëmija që ska asnjë lloj zotësie për të vepruar dhe qe as nuk kupton rëndësinë e saj etj?!
Po çfarë përgjegjësie ka një fëmijë i mitur o analfabete që do të bëjë deklaratë nën përgjegjësinë e tij?! Po prindi si mund ta bëje kur s’ka asnjë mundësi ta dije nëse është prekur fëmija e tij apo jo?!
O ditëzinj që po u nxini jetën shqiptarëve dhe po e shkatërroni Shqipërinë dhe që doni të mbuloni paaftësinë tuaj me këto shpikje idiote, duhet të dini që herët a vonë e drejta do shkojë ku i takon dhe asgjë s´do mbetet pa u ndëshkuar!
Stop dhunës ndaj fëmijëve sepse të detyrosh një fëmijë të mitur të plotësojë një formular çdo ditë se nuk është me covid, është dhunë e ndyre ndaj fëmijëve”.
/GazetaReforma.com/
