Një sipërfaqe pyjore në Ishëm është përfshirë nga flakët mbrëmjen e sotme.
Mësohet se deri më tani në vendngjarje për të shuar zjarrin kanë mbërritur tre zjarrfikëse.Por duket se terreni i vështirë po e bën edhe më të pamundur ndërhyrjen e zjarrëfikëseve. Gjithashtu në ndihmë të forcave zjarrëfikëse kanë shkuar edhe banorët e lagjes të cilët po asitojnë edhe banorët e zonës me mjete rrethanore.
Nëse nuk ndërhyhet me mjete rrezikohen që të shkrumbohen 50 ha pyje te zonës, në një nga pikat me të bukura të rajonit turistik dhe historik të Durrësit.
Në njoftimin e policisë thuhet se zjarri mund të jetë i qëllimshëm.
Njoftimi i policisë:
Durrës/Informacion paraprak
Shërbimet e Policisë dhe Zjarrëfikëses ndodhen në vendngjarje dhe po punojnë për shuarjen e zjarrit i cili ndodhet larg banesave.
Zjarri dyshohet te jetë i qëllimshëm.
