Banesa e familjes Josifi në Kombinat, ku ndodhi edhe tragjedia e vetëflijimit të Zhaneta dhe Anisa Josifit, është nxjerrë në shitje.
Ndërkohë e mbijetuara e vetme e asaj tragjedie, 34-vjeçarja Blerta Josifi, pas kurimit dhe trajtimit nga shoku i përjetuar ku humbi edhe nënën e motrën e saj, ka vendosur të largohet nga Tirana.
Mësohet se 34-vjeçarja, do të largohet dhe do të shpërngulet në qytetin e Skraparit pë të nisur një jetë të re.
Kujtojmë se ngjarja e rëndë në Kombinat e cila tronditi opinionin publik, u zbulua mbrëmjen e 2 korrikut.
Në pallatin parafabrikat mbrapa ish-Mapos rruga “Hamdi Cenoimeri”, dy trupat e vdekur të dy grave “bashkëjetuan” për disa kohë me me banorët e lagjes.
56-vjeçarja Zhaneta Josifi dhe Anisa Josifi 30-vjeçe, u gjetën të vdekura në banesë, ndërsa në gjendje të rëndë ishte edhe vajza tjetër, 34-vjeçarja Blerta Josifi.
Kjo e fundit bashkë me nënën e saj kishin mbajtur në banesë trupin e pajetë të Anisës prej disa muajsh, dhe e lyenin me vaj e uthull që trupi i 30-vjeçares mos të dekompozohej.
Në banesën e tyre në Kombinat, policia gjeti shënime fetare, të cialt zbuluan edhe arsyen e vetëflijimit të dy grave, të cilat ishin dogmatizuar nga një sekt fetar.
Të tre pjesëtaret e familjes Josifi ishin praktikante të sektit të njohur si “Dëshmitarët e Jehovait”.
