Policia e Tiranës ka arrestuar gjatë ditës së sotme gjashtë shtetas për vepra të ndryshme penale.
Policia e Komisariatit nr.1 në vijm të punës për kapjen e personave të shpallur në kërkim, arrestuan në flagrancë një 32-vjeçar me iniciale V.Z në Mjull, Bathore pasi ka ndezur një zjarr në pronën e tij dhe për pasojë janë dëmtuar ullishtet që ndodheshin në kufi me pronën e tij.
Ndëkohë nga Komisariati nr.2 është arrestuar në flagrancë shtetasi me iniciale E. M., 25 vjeç, pasi në rrugën “Osman Myderizi”, u kap duke drejtuar mjetin pa lejen përkatëse. Ky shtetas, sapo ka parë shërbimet e Policisë, ka hedhur në tokë një sasi lënde të dyshuar cannabis sativa, e cila u sekuestrua në cilësinë e provës materiale.
Gjithashtu u arrestuan dhe katër shtetas të tjerë të akuzuar për veprat penale “Dhunë fizike dhe psikologjike ndaj familjarëve”, “Plagosje e lehtë me dashje”, “Mbajtja e armëve të ftohta pa leje” dhe “Drejtimi i mjetit pa lejen përkatëse.”
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Njoftimi i policisë
Tiranë
Vijon puna nga strukturat e Drejtorisë Vendore të Policisë Tiranë, për parandalimin, evidentimin dhe goditjen e paligjshmërisë.
Ndalohet një shtetas i shpallur në kërkim për veprën penale “Shkatërrimi nga pakujdesia me zjarr i pyjeve dhe i mjedisit pyjor”.
Arrestohen në flagrancë dhe 5 shtetas të tjerë, për vepra të ndryshme penale.
Në vijim të punës për kapjen e personave të shpallur në kërkim, specialistët për Hetimin e Krimit në Komisariatin e Policisë Nr. 1 bënë ndalimin e shtetasit V. Z., 32 vjeç, pasi, në Mjull, Bathore, Njësia Administrative Farkë, ka ndezur një zjarr në pronën e tij dhe për pasojë janë dëmtuar ullishtet që ndodheshin në kufi me pronën e tij.
Nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit M. S., 48 vjeç, sepse në rrugën “Mujo Ulqinaku”, në banesë, ka ushtruar dhunë fizike e psikologjike ndaj bashkëshortes së tij.
Specialistët për Hetimin e Krimit në Komisariatin e Policisë Nr. 5 bënë arrestimin në flagrancë, për veprat penale “Plagosja e lehtë me dashje” dhe “Mbajtja pa leje e armëve të ftohta”, të shtetasit B. K., 53 vjeç, pasi në Kamzë, pas një konflikti të çastit për motive të dobëta ka goditur me mjet prerës (thikë) shtetasin Sh. K., duke i shkaktuar atij dëmtime të lehta.
Nga specialistët e Qarkullimit Rrugor u bë arrestimi në flagrancë i shtetasve:
G., 19 vjeç dhe A. M., 19 vjeç, pasi u kapën në flagrancë duke drejtuar mjetet pa lejen përkatëse.
U referuan materialet dhe po punohet për kapjen e shtetasit të shpallur në kërkim E. D., 33 vjeç, pasi mbrëmjen e djeshme është konfliktuar për motive të dobëta me shtetasin M. K., 29 vjeç dhe gjatë konfliktit dyshohet se ka qëlluar me armë zjarri në ajër, pa shkaktuar dëmtime. Punohet për kapjen e këtij shtetasi dhe sqarimin e plotë e rrethanave të ngjarjes.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
