Pas përhapjes së lajmeve në media se disa lojtarë të Kombëtares ishin infektuar me Covid-19, Federata Shqiptare e Futbollit (FSHF), ka publikuar përgjigjet e testeve të tyre.
Pas publikimit më parë të përgjigjeve të testeve për Covid-19 të lojtarëve Hysen Memolla dhe Ylber Ramadani, Federata ka publikuar edhe përgjigjen e testit të futbollistit Ardian Ismajli, i cili u përfol si i infektuar me Covid.
Federata Shqiptare e Futbollit (FSHF), reagoi pas lajmeve se lojtarët e Kombëtares së futbollit ishin të infektuar me koronavirus.
Me anë të një postimi në faqen e saj zyrtare, FSHF ka publikuar përgjigjet e testeve të futbollistëve të kombëtares, si dhe ka përgënjeshtruar lajmet e rreme që kanë qarkulluar në disa portale.
Reagimi i plotë:
“Federata Shqiptare e Futbollit përgënjeshtron lajmin e rremë të shpërndarë nga tre media se tre futbollistë të Kombëtares shqiptare kane rezultuar pozitiv në testin e COVID. Ky lajm është i pavërtetë dhe tendencioz.
Asnjë lojtar i kombëtares, pjestar i stafit apo anëtar i delegacionit nuk ka rezultuar pozitiv. Bashkëngjitur edhe testet e futbollistëve të përmendur.
I bejme thirrje madias te distancohen nga keto lajme te paverteta dhe mga kjo praktike aspak profesionale. Më poshtë përgjigjet për Ramadanin dhe Memollën.”, ka shkruar në reagimin e saj FSHF.
