Ndërkohë që kanë mbetur edhe pak muaj përpara zgjedhjeve të përgjithshme parlamentare, ku kanë nisur edhe përzgjedhjet e kandidatëve për deputetë nga partitë politike, ambasadorja e SHBA në Tiranë, Yuri Kim, i ka bërë një apel lidershipit politik.
Kim me anë të një letre drejtuar krerëve të partive të mëdha, Edi Ramës, Lulzim Bashës dhe Monika Kryemadhit, i ka kërkuar këtyre të fundit që të mbajnë përgjegjësi për përzgjedhjen e kandidatëve të tyre për deputet, si dhe të sigurojnë integritetin e tyre.
Ambasadorja e SHBA i ka sugjeruar liderëve politik një vetting të kandidatëve dhe në fund të kualifikohen ata që respektojnë elektoratin e tyre.
