Gjatë 24 orëve të fundit, nëntë persona kanë humbur jetën si pasojë e Covid-19 në Kosovë, si dhe janë regjistruar 120 raste të reja.
Instituti Kombëtar i Shëndetësisë Publike të Kosovës, ka bërë me dije se gjatë ditës së fundit janë testuar 452 persona, prej të cilëve kanë rezultuar pozitivë 120 prej tyre.
Rastet pozitive janë nga: komuna Prishtinë 30 raste, komuna Prizren 16 raste, komuna Gjilan 13 raste, komuna Gjakovë 11 raste, komuna Rahovec 7 raste, komuna Viti 7 raste, komuna Deçan 6 raste, komuna Vushtrri 5 raste, komuna Pejë 4 raste, komuna Ferizaj 3 raste, komuna Drenas 2 raste, komuna Kamenicë 2 raste, komuna Klinë 2 raste, komuna Malishevë 2 raste, komuna Obiliq 2 raste, komuna Skenderaj 2 raste dhe me nga një rast komunat Fushë Kosovë, Istog, Mitrovicë, Podujevë, Shtime dhe Suharekë.
Kujtojmë se deri më tani në Kosovë kanë humbur jetën 525 persona si pasojë e koronavirusit, ndërsa numri i përgjithshëm i të infektuarve ka shkuar në 13.454.
