Pas vrasjes së Florian Lamçes i njohur si “Flor Qorri” mbrëmjen e 30 korrikut në Elbasan, ka shkuar në 4 numri i të arrestuarve.
Për vrasjen e Lamçes janë në qeli dhëndri i ish- kryebashkiakut të Elbasanit, Qazim Sejdinit, Sokol Sanxhaktari dhe shoku i tij Adriano Hajdari.
Pas hetimeve nga grupi hetimor janë arrestuar ditën e sotme edhe shtetasit M.M., 33 vjeç dhe A.L., 40 vjeç, të dy banues në Elbasan.
Sipas njoftimit zyrtar të policisë, dy shtetasit janë arrestuar për “Moskallëzim të krimit” dhe “Veprime që pengojnë zbulimin e të vërtetës”.
Sipas autopsisë dhe obduksionit mjeko-ligjor, është konfirmuar që vdekjen e Florian Lamçes e ka sjellë goditja me sende të forta gjatë sherrit, një goditje në kokë nga një këmbë karrigeje që i ka sjellë çarje të kafkës si dhe një çarje e aortës në parakrahun e majtë.
Njoftimi i Policisë:
Elbasan
Vijon intensivisht puna hetimore për zbardhjen dhe dokumentimin e plotë ligjor të ngjarjeve kriminale të nodhura më parë.
Shkon në 4 numri i të arrestuarve për vrasjen e shtetasit F.L.
Vihen në pranga dy shtetas për moskallëzim krimi dhe veprime që pengojnë zbulimin e së vërtetës.
Strukturat e DVP Elbasan nën drejtimin e Prokurorisë së Rrethit Gjyqësor Elbasan, kanë vijuar intensivisht punën për zbardhjen dhe dokumentimin ligjor të ngjarjes kriminale të ndodhura më parë.
Në vijim të hetimeve të thelluara në kuadër të proçedimit penal në lidhje me ngjarjen e datës 30.07.2020, ku në ambientet e një bar kafeje të qytetit të Elbasanit mbeti i vrarë me sende të forta shtetasi F. L. ( Sh.) është bërë e mundur dokumentimi i veprimtarisë kriminale kapja dhe ndalimi i shtetasve :
M.M., 33 vjeç dhe A.L., 40 vjeç, të dy banues në Elbasan.
Kapja dhe ndalimi i tyre u bë pasi Gjykata e Shkallës Parë Elbasan, ka vendosur për këta shtetas masën e sigurisë “Arrest me burg”, për veprat penale “Moskallëzim të krimit”, “Veprime që pengojnë zbulimin e të vërtetës” në ngarkim të shtetasit M.M dhe “Moskallëzim të krimit”, “Veprime që pengojnë zbulimin e të vërtetës” dhe “Deklarim i rremë përpara oficerit të policisë gjyqësore” në ngarkim të shtetasit A.L.
Materialet hetimore i kaluan Prokurorisë pranë Gjykatës së Shkallës parë Elbasan, për veprimet e mëtejshme.
