Një ngjarje e rëndë ka ndodhur mbrëmjen e sotme në Gramsh.
Mësohet se një fëmijë 6-vjeçar ka humbur jetën, ndërsa ka mbetur i plagosur një 5-vjeçar teksa luanin me një granatë të vjetër e cila u ka shpërthyer në dorë.
Ngjarja e rëndë ka ndodhur në fshatin Siman ku dy fëmijët me iniciale A.Ll., rreth 6 vjeç dhe A.L., rreth 5 vjeç , në oborrin e banesës së shtetasit R.LL, duke luajtur me një granatë të vjetër, ka shpërthyer dhe si pasojë janë plagosur të dy fëmijët e mitur.
Nga shpërthimi ka humbur jetën fëmija A.Ll., ndërsa A.L., ndodhet nën kujdesin e mjekëve.
Ndërkohë policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes.
Njoftimi i policisë:
Gramsh/ Informacion paraprak
Në fshatin Siman, Gramsh, dy fëmijë, A.Ll., rreth 6 vjeç dhe A.L., rreth 5 vjeç , në oborrin e banesës së shtetasit R.LL, duke luajtur me një granatë të vjetër, ka shpërthyer dhe si pasojë janë plagosur të dy fëmijët e mitur. Fëmija A.Ll., ka ndërruar jetë rrugës për në Spital, ndërsa shtetasi A.L., ndodhet nën kujdesin e mjekëve.
Grupi hetimor ndodhet në vendngjarje dhe po punon për dokumentimin e plotë të rrethanave të ngjarjes.
