Një tjetër vatër zjarri ka përfshirë një sipërfaqe të mbuluar me pisha e shkurre në fshatin Picrrage në Fushë Krujë, pranë një fabrike çimentoje.
Mësohet se deri më tani sipërfaqja e djegur është mbi 10 dynym dhe nga flakët e zjarrit rrezikohet një stallë bagëtish, një vresht dhe disa banesa që ndodhen pranë.
Për shuarjen e flakëve të zjarrit kanë ndërhyrë banorët e zonës me mjete rrethanore dhe zjarrëfiksja e Krujësz Për lokalizimin e flakëve kanë ndërhyrë zjarrfikësja e Krujës.
Ndërkohë ekspertet e zjarrfikëses thonë se zjarri është i qëllimshëm. Pak ditë më parë ministria e Mbrojtjes u kërkoi institucioneve vendore që të marrin masat.
Kujtojmë se në Shqipëri, që kur ka nisur vapa e madhe gjatë stinës së verës, janë djegur shumë toka, pyje dhe sipërfaqe të mbjella me frutore.
Nga muaji Janar deri në Korrik janë evidentuar 329 vatra zjarri, ku vetëm për muajin korrik janë evidentuar 168 vatra zjarri, dhe 20 hektarë janë përpirë nga flakët.
