Më në fund duket se Ministria e Shëndetësisë ka vendosur të heqë dorë nga indiferentizmi dhe të marrë parasysh thirrjet e shumta për përdorimin e plazmës konvaleshente. Prej disa javësh “Iconstyle.al” ka ndjekur me shqetësim këtë çështje, duke bërë thirrje publike për përdorimin e plazmës. (KLIKO)
Pavarësisht të gjitha përpjekjeve për të kontakuar me ekspertë të Ministrisës së Shëndetësisë apo të Institutit të Shëndetit Publik nuk morëm kurrë një përgjigje se përse po vonohej vënia në jetë e kësaj metode, në një kohë kur ksperimentet e para janë kryer në Kinë në janar të këtij viti dhe kjo metodë u përqafua edhe në një sërë vendesh, si SHBA, Turqia, Italia, Kroacia, Spanja, Holanda, Austria, Blegjika, Danimarka, Finlanda,Francë, Gjermani, Greqi, Portugali, Zvicër, Norvegji, Britani e Madhe etj. (KLIKO)
Sjellim në vëmendje se edhe kreu i shtetit Ilir Meta i ka bërë një thirrje në rrjetet sociale Ministrisë së Shëndetësisë për të siguruar së pari të gjitha aparaturat që bëjnë të mundur aplikimin e plazmës dhe të kërkohet ndihmë nga Italia për asistimin me specialistë, si një vend me eksperiencë të spikatur për vënien në zbatim të këtij protokolli. (KLIKO)
Ogerta Manastirliu njofton fillimin e trajtimit me plazmën konvaleshente
Teksa ishte sot e pranishme në Bankën e Gjakut në QSUT, ministrja e Shëndetësisë Ogerta Manastirliu njoftoi se Shqipëria po finalizon bashkëpunimin me Universitetin e Pavias, për trajtimin e pacientëve me Covid-19, me plazmën konvaleshente. Gjatë fjalës së saj, Manastirliu u shpreh, se plazma konvaleshente i shtohet trajtimeve të mëparshme, ndërsa shpreson që të jetë sa më shumë efikase.
https://www.facebook.com/OgertaManastirliu/videos/585295138808925/
Por, ç’mund të bëjë Ministria në vend të një thirrjeje për dhurim…
Ndër të tjera Manastirliu u ka bërë thirrje pacientëve që kanë kaluar Covid-19, që të bëhen pjesë e zinxhirit të solidaritetit dhe të dhurojnë gjak, për të ndihmuar dikë që ka nevojë.
Padyshim që në këtë metodë dhuruesit janë hallka më e rëndësishme, mirëpo vlen të theksojmë se matja e antikorpeve për të infektuarit mund të bëhet në dy spitalet Covid, ku janë të shturar pacientët me Covid-19. Në këtë mënyrë i gjithë procesi do lehtësohej shumë dhe plazma do sigurohej shumë më shpejt. Procesi i terapisë me plazmë zgjat rreth një orë dhe plazma nga një donator i vetëm mund të përdoret për të trajtuar tre ose katër pacientë.
Ja se çfarë thoshte disa ditë më parë në një intervistë për “Hipokrati” hematologia Adela Perolla:
Përpunimin e plazmës e ka Banka e Gjakut. Personat që kanë kaluar Covid-19, që janë testuar me një tampon pozitiv dhe më pas janë negativizuar kuptohet, duhet të jenë 14 ditë të shëruar. Këta persona mund të dhurojnë të Banka e Gjakut 450 cc gjak, Banka e Gjakut merret me përpunimin e gjakut dhe kjo plazmë i dhurohet të prekurve. Mjafton një qese gjak dhe mund të nxjerret plazma që përdoret për pacientët.
Në Shqipëri, qindra centrifuga! Ku tjetër aplikohet kjo metodë?
Centrifuga është një paisje që përdoret për marrjen dhe aplikimin e plazmës. Në një centrifugë laboratorike mostra hidhet në tuba, përshpejtimi radial shkakton që grimcat më të rënda (me ngjyrë të kuqe)të vendosen në fund të tubit, ndërsa substancat me densitet të ulët (me ngjyrë të verdhë) të ngrihen në sipërfaqe.
Duhet të theksohet se efektet e dobishme të plazmës dhe trombociteve në qelizat e trupit përdoren gjerësisht në klinikat e bukurisë. Po ashtu, edhe stomatologët e shohin si teknikë të dobishme në përgatitjen e zgavrës me gojë të pacientit para transplantimit të implantit dhe në trajtimin kompleks të sëmundjes së rëndë parodontale.
Plazmolifikimi përdoret për të rikthyer elasticitetin e lëkurës dhe muskujve pas trajtimit të mbipeshës, parandalimin e rënies së flokëve, përdoret për t’u rikuperuar nga operacionet, dëmtimet dhe djegiet. Meqenëse metoda është mjaft e thjeshtë dhe nuk ka efekte anësore, përdoret gjerësisht nga klinikat e kozmetologjisë.
/IconStyle.al
