SHKUP
Në Maqedoninë e Veriut, në 24 orët e fundit, janë kryer 762 testime për persona të dyshuar si bartës të Covid-19, nga të cilët 109 prej tyre kanë rezultuar pozitivë.
Sipas rajoneve, në Shkup kanë dalë pozitiv me Covid-19, 20 persona, në Kumanovë 16, Shtip 13, Gostivar 10, Kërcovë 7, Sveti Nikolla 5 etj.
Instituti i Shëndetit Publik në Maqedoninë e Veriut, ka regjistruar 422 pacientë që janë shëruar tashmë nga koronavirusi.
Më shumë raste të personave të shëruar ka në Shkup, me 137 individë që tashmë janë shëndoshur nga virusi vdekjeprurës.
Ndërsa, viktima në 24 orët e fundit për shkak të Covid-19, mësohet se është një grua e moshuar 70-vjecare nga Shkupi.
Maqedonia e Veriut është një nga shtetet e Ballkanit të prekura në një mënyrë të konsiderueshme nga koronavirusi, duke raportuar përditë raste të vdekjeve dhe të personave të infektuar nga Covid-19.
