Në qarkun e Fierit në 24 orët e fundit janë 14 raste të reja të konfirmuara me COVID 19.
Tre raste të reja janë në Patos, 9 në qytetin e Fierit dhe 2 në Roskovec.
Tre rastet e regjistruara në Patos janë kontakte të pacientes nga Margëllici e cila ishte e shtruar në QSUT.
Mes rasteve të konfirmuara pozitiv është edhe një i mitur.Mësohet se nga 8 mostrat e marra një dite më parë 3 kanë rezultuar pozitiv, duke e çuar në 5 numrin e personave pozitiv në Patos, ndërkohë që në Fier janë 9 e në Roskovec 2 raste.
Tre rastet e fundit pozitiv janë duke u ndjekur në mënyrë ambulatore, ndërkohë që në QSUT ndodhen të shtruar 2 pacientë. Rreth 60 persona ndodhen në karantinë aktualisht.
Ndërkohë ISHP sot ka konfirmuar 53 raste të reja me koronavirus gjatë 24 orëve te fundit, një shifër e cila po rritet ndjeshëm nga dita në ditë.
Në vendin tonë janë aktualisht 722 persona aktivë me COVID19, kryesisht në Tiranë, Shkodër, Durrës.
