Kryeministri Edi Rama, i ftuar në emisionin ‘Zonë e Lirë’ me Arian Çanin, ka folur sërish për refuzimin e dekretimit të Gent Cakajt në postin e ministrit të Jashtëm nga presidenti Ilir Meta.
Rama tha se nuk duhet të merret seriozisht reagimi i presidentit Meta në Facebook, pasi sipas tij ai tekst mund të jetë shkruar nga bashkëshortja e tij, kryetarja e LSI, Monika Kryemadhi dhe është jashtë kontrollit.
“Unë i kërkoj publikisht qytetarëve mos e marrin seriozisht këtë status të Metës, pasi mund t’i ketë marrë passwordin doktoresha (Kryemadhi) dhe ka shkruar për të në Facebook. Është jashtë kontrollit ai tekst i shkruar dhe nuk mund të merret seriozisht.”-tha Rama.
