Një ngjarje e rëndë ka ndodhur mëngjesin e sotëm në Vlorë.
Një 26-vjeçar ka humbur jetën, pasi u godit me thikë në zemër nga një 15-vjeçar.
Mësohet se i riu që ka humbur jetën është Aleksandër Petanaj.
Ky i fundit humbi jetën pas një sherri me një 15-vjeçar, i cili është arrestuar nga policia.
Pavarësisht përpjekjes së mjekëve 26-vjeçari nuk ka mundur t’i mbijetojë plagës së rëndë.
Mësohet se gjithçka kishte nisur pas një konflikti që vëllai i tij më i vogël, 18 vjeç, kishte me një grup të rinjsh, ndërsa viktima ndërhyri për ta mbrojtur, por njëri prej tyre e qëlloi me thikë në zemër.
Autori i identifikuar si Gabriel Tartaraj është arrestuar dhe po merret në pyetje nga policia.
Kanë qenë shokët e viktimës të cilët e kanë dërguar të riun në spital, ku fatkeqësisht humbi jetën.
Po ashtu bëhet me dije se viktima dhe autori kanë patur konflikte të mëparshme midis tyre.
