Zv.kryeministri Erion Braçe ka vlerësuar fjalimin në Kuvend të deputetes së opozitës Rudina Hajdari, pas shkarkimit të nënës së saj nga vettingu.
Braçe tha se nuk besonte që Hajdari do të rezistonte pas kësaj, por ajo sot mposhti llumin burrëror që e luftoi personalisht në pikën e saj, tek nëna.
Gjithashtu zv.kryeministri Braçe tha se drejtësia e re është më shumë se çdo gjë dhe ngjitëse për të gjithë.
“Une nuk jam mik me Rudina Hajdarin! Kur me babain e saj te ndjere ndanim Kuvendin ajo ishte e vogel;
Kur ai nuk ishte me e une vijova ne Kuvend, ajo ndiqte rrugen e saj te edukimit dhe jetes ne SHBA. Ndajme ideologji te ndryshme, nuk mendojme njesoj, jemi kundershtare per kete!
Por sot njoha nje ane te forte te saj; Te qenit parimore, pertej intetesit te castit, personal, familjar!
Nuk eshte e thjeshte te mbash nje qendrim te tille; ndaj nuk e keni pare kurre deri tani ne kuvend!
Nje njeri i forte qe beson ne parime mundet te bej kete!
E cmoj Rudinen per kete; Kur per kaq muaj rresht nen sulme personale qe ta shpifnin, nuk besova se do rezistonte, do qendronte, edhe si grua natyrisht.
Por ja qe sot deshmoi forcen e saj;Mposhti gjithe llumin burreror qe e luftoi personalisht, ne piken e dobet, nenen!
I mundi perseri! Eshte drejtësia qe te ben te forte; Drejtësia frymezon!
Drejtesia e re e barabarte, funksionale, efikase, e pavarur, e paster, eshte me shume se cdo gje, eshte ngjitese me besoni!
Prej themelimit te shtetit shqiptar, cdo rregjim beri drejtesine politike e te korruptuar te udheheqesit, kurre drejtesine e barabarte per te gjithe!
Tani eshte koha per drejtësinë e re! 100 vite shkuan pa te; Ky eshte shansi unik i 100 viteve ku kemi hyre!”
Ndërkohë gjatë ditës së sotme u shkarkua nga KPK gjyqtarja Fatmira Hajdari, bashkëshortja e Azem Hajdariy dhe nëna e deputetes Rudina Hajdari, për shkak të problemeve me deklarimin e pasurisë.
