Epidemiologu Dritan Ulqinaku i ftuar në “Abc News” tha se epidemia në vendin tonë, për nga mënyra e agresivitetit ndryshon në krahasim me vendet e tjera.
Ai u shpreh se vala e dytë e koronavirusit në vend mund të jetë më e madhe se e para.
Ulqinaku tha gjithashtu se virusi tanimë është bërë njësh me njeriun dhe problem i vetëm është se kur do të arrihet imuniteti.
“Vala e dytë mund të jetë shumë më e madhe se vala e parë, nuk është parë asnjëherë që bota të mbyllej në këtë mënyrë. Mbyllja ka të mirat dhe të metat e veta, e mira është për vende siç është Shqipëria që nuk e dinte një gjë të tillë të përgatitej, e keqja është se e zgjat kohëzjatjen e pandemisë. Është një infeksion që është bërë tashmë njësh me njeriun, është në të gjithë globin, ai është në çdo shtet dhe problemi tashmë është se kur do të arrihet imuniteti. Numri i infeksioneve me stinën e nxehtë është rritur, por është ulur numri i vdekshmërisë”, ka thënë mjeku.
Ndërkohë kujtojmë që vetëm gjatë këtyre ditëve u thye rekordi me numrin më të lartë të infektuarve që nga fillimi i pandemisë, 82 raste të regjistruara në të gjithë vendin ditën e djeshme.
Kjo sipas specialistëve erdhi pas lehtësimit të masave dhe mos respketimit të distancimit social.
